Бүгін Google тулбарындағы PageRank көрсеткішінде осы блогтың PageRank-і 3 деп көрсетіп тұрғанын байқадым. Google тулбарындағы PageRank-і көрсеткіші соңғы кезде қате көрсететін болған деген шындыққа жақын болуы мүмкін екен. Ал сайттарың нағыз PageRank-ін Google ешкімге көрсетпейді, ол қандай жолмен есептеп тұрғанын өздерінен басқа ешкім білмейді деген еді…  Әлде, PageRank деген тек қана аты айтып тұрғандай PR ғана ма екен?

Google-ден басқа Alexa да әрбір сайтқа өзіндік рэнк тоқтатады. Айырмашылығы, Google сайттың әрбір бетіне рэнк тоқтататын болса, Alexa тек қана сайттың домэн атына ғана рэнк тоқтатады. PageRank сияқты бірден онға дейінгі санмен емес, Alexa барлық сайттарды 1-ден бастап қолданыс аясына қарай тізіп шығады. Бірақ Alexa өзінің тулбарын қолданған қолданушыларына көбірек көңіл бөледі.  Яғни Alexa тулбарын қолданған адамдар қай сайтты көбірек қолданады, сол сайтты жоғарыға қояды. Сондай-ақ Alexa қай сайт Әлемде, әрбір елде ең көп қолданылады дегенді көрсетіп отырады.