Жақында бір Халықаралық студенттік жарысқа мақала жазбақшы болған едік. Жарыстың тақырыбы үйі, жатар орны жоқ адамдарға технология арқылы көмек болып, олардың мәселелерін шешу керек еді.

Сонымен, алдымен үй-күйсіз жүрген адамдардың басты мәселесі не, олар жай адамдардан не айырмашылығы бар, оларға қандай нәрсе керек, көшеде өмір сүрулерінің басты себептері неде екенін білу керек болды. Кореяда үйі жоқ адамдар үнемі кездесе бермейді, бар болса да метрода немесе темір жол станцияларында бірен-саран кездесуі мүмкін. Сондықтан олардың проблемаларын Интернеттен іздеп табайық деп келіскен едік.

Гууглден іздеу барысында, не тапқанымызға өзіміз де сенбей қалдық. Үй-күйсіз жүрген адамдар да блог жазады екен. Кейбіреуі өздерінің басты мәселелерін жазатын болса, кейбірі араларындағы әзілдерін, кейбірі күнделікті тіршілігін жазады.

Өмір болғасын біреуді біреу адастырады, біреу өзін-өзі адастырады дегендей. Біреуі қалағанынан көшеге шығады, біреуі өмірдің қатал заңымен көшеде өмір сүруге мәжбүр болады.

Хат жазысып, үй-күйсіз жүрген азаматтардың аз да болса мәселерімен танысып, білістік. Үнемі Интернетке кіре беретін мүмкіндігі жоқ болғасын, олармен байланыс құру біраз уақыт алады.
Көбінің үйсіз қалуларының да себебі жұмыссыздық, кедейшілік, немесе еліктеушілік деуге болады.
Олар үшін көп нәрсе істеуге болады, олардың жай адамдардан ешбір айырмашылығы жоқ, тек біздің қамқорымызға мұқтаж жандар екен деп ойладық. 

Төменде кейбір үйсіз жүрген жандардың блогтары:

http://thehomelessguy.wordpress.com/
http://homeless.blog-city.com/
http://view-sidewalk.blogspot.com/
http://homeless-blog.blogspot.com/ 
http://alexandermu.blogspot.com/
http://homelessmanspeaks.wordpress.com/