YouTube сайтының негізін қалаушыларының бірі Стив Ченнің сөзіне қарағанда енді олар видеоларды жоғары сапамен ұсынбақ. Алғашында әркімге өз видеоларын қоя білу мүмкіндігін ұсыну мақсатын алдарына қойған болса, бүгін олар өз мақсатына жетіп, келесіде қолданушының Интернет жылдамдығына және таңдауына сай видеолардың сапасын жақсартпақ. Бұл істері алдағы 3 айдың ішінде дайын болады. Бұрынғы қосылған видеолар да өз сапасымен YouTube архивінде жатқандықтан, олардың да сапасын жоғарлатады екен.

Мүмкін YouTube үшін видеоларды сапалы көрсететін басқа сайттар көбейе бастағандықтан өз орнын жоғалтып алмау да керек шығар. Бірақ YouTube-те заңсыз видео, бейнеклиптер мен кинолар көп-ақ. Енді оларды әркім жоғарғы сапамен көре алатын болса, нағыз қызық сонда болады.