Болливуд Үндістандағы “Хинди” фильм индустриясы және жылына 800 фильм әзірлейтін Әлемдегі ең үлкен фильм индустрия екенін айтпасам да білетін боларсыздар.

Өзім кейбір Болливуд актёрлардың жанкүйері болғандықтан, олардың фильмдерін жібермей көремін. Қазақтардан да Үнді фильмін көретіндер аз емес сияқты.

Актёрлар да блог мәдениетіне көшіп, жанкүйерлерімен тікелей байланысқа шықты. Өнер жолдарындағы күнделік жаңалықтары мен жанкүйерлерінің пікірлеріне уақыт тауып, жауап бере бастады. Aтақты актёрлардан Амитабх Баччан (66) мен Аамир Хан (43) екеуі блог жаза бастаған. Бір қызығы екеуі де блогында Болливудтың Номер.1 ханы (мен үшін) Шаһрух Ханға атака жасаған. Баччан (үлкен, себебі үлкенді кішілі бірнеше Баччан бар) блогында Шаһрух Ханның ТВ шоуын критикаға еңгізсе, Аамир итінің атын Шаһрух деп атағанын жазған. Шаһрух Ханның миллиондаған жанкүйерлері мен Жұлдыздардың аяғының басысын аңдып жүретін журналистер оны лезде сенсацияға айналдырып жіберді.

Баччан блогындағы жазбаның баспасөз және қалың көпшілік тарапынан теріс түсінік алғанын жариялады. Аамир Хан да жұмысшысының итінің аты Шаһрух екенін айтып, Шаһрух пен оның жанкүйерлерінен кешірім сұрады.

Болливудты жақыннан танитын адамдар ол жердегі бәсекелестің қандай екенін білетін болар.